Организација на жени од Струмица во периодот: 01.05.2021 – 31.05.2021г. оствари средби со локални лидерки од две заедници – 6-та Урбана заедница од градот Струмица и село Босилово, на кои беа договорени првите средби „кафе муабети“.
Во текот месецот, локалните лидерки спроведоа и анкетни прашалници со 150 жени, 90 во Струмица (6-та УЗ) и со 60 жени во село Босилово. Реализирани се и по една „кафе средба“ во двете заедници и на истите присуствуваа 10 жени кои беа запознаени со целите, активностите и резултатите на проектот „Биди активна – Биди гласна“, а се дискутираше и за проблемите со кои се соочуваат во нивните заедници. Подготвен е прашалник за фокус групи за идентификување на потребите и проблемите со кои се соочуваат жените од двете заедници. На фејсбук страната на проектот „Биди активна – биди гласна!“ редовно се споделуваат објави за реализираните активности.
